Trend WorkforcePunëtorët tuaj, në zyrë dhe në terren, në një aplikacion.
Prania me GPS, destinacionet e ditës në hartë, oraret, kërkesat, pagat sipas ligjit të Kosovës dhe gjithë HR-ja e biznesit. Punëtori e ka në telefon, administratori e ka nën kontroll.
Ku janë tash? A kanë arritur në kohë? Tani e dini.
Pa thirrje e pa hamendje. Çdo punëtor në terren e ka listën e destinacioneve të ditës, ndërsa ju e shihni rrugën dhe orën kur arrin te secili klient, drejtpërdrejt në hartë.
- Destinacionet e ditës, me radhëKlientët, adresat dhe sa larg janë, në telefonin e punëtorit.
- Rruga dhe ora e mbërritjesShihni kur arriti dhe sa qëndroi te secili klient.
- Edhe me ekran të kyçurVendndodhja ndiqet gjatë orarit edhe kur telefoni është në xhep.
- Njoftim nëse fiket GPS-iAdministratori lajmërohet menjëherë.
- Vetëm gjatë orarit të punësNdjekja ndalet vetë me daljen nga puna. Privatësia e punëtorit ruhet.
Gati për punë brenda ditës.
Pa instalime në kompjuter dhe pa trajnime të gjata. Biznesi regjistrohet vetë, punëtorët bashkohen me numrin fiskal.
Regjistroni biznesin
Emri, numri fiskal dhe numri i punëtorëve. Fillon prova 7-ditore.
Zgjidhni madhësinë
Nga 1 deri në 100+ punëtorë: platforma përshtatet me biznesin.
Punëtorët bashkohen
Shkarkojnë aplikacionin, shkruajnë numrin fiskal të biznesit dhe kërkojnë qasje.
Ju aprovoni, fillon puna
Me aprovim, krijohet automatikisht edhe kontrata e punës.
Një ditë pune me Trend Workforce.
Kështu duket aplikacioni në telefonin e punëtorit, nga mëngjesi deri në fund të muajit. I thjeshtë sa një prekje, në shqip, anglisht ose gjermanisht, në Android dhe iPhone.
-
Kujtesa për ndërrimin
Telefoni e lajmëron punëtorin që ndërrimi fillon së shpejti, edhe kur aplikacioni është i mbyllur.
- Njoftime për ndërrimet, aprovimet dhe pagat
- Shënohen si të lexuara me një prekje
-
Një prekje te HYRJE
Kryefaqja tregon orën, ndërrimin e ditës dhe butonin e madh HYRJE. Vendndodhja verifikohet vetë, prandaj hyrja nuk mund të bëhet nga shtëpia kur punëtori duhet të jetë në punë.
- Vendndodhja kontrollohet në çast
- Vonesa llogaritet automatikisht sipas orarit
- Punëtorët nga shtëpia bëjnë hyrjen nga kudo
-
Ora e punës rrjedh, pushimi me një klik
Butoni bëhet DALJE dhe ora e punës numërohet. Kur punëtori del në pauzë, shtyp "Fillo pushimin", dhe pushimi zbritet saktë nga orët.
- Saktësia e GPS-it shihet në ekran
- Pushimet regjistrohen veç e veç
-
Destinacionet e ditës, me radhë
Punëtori në terren e sheh se ku duhet të shkojë sot: klienti, adresa, personi kontaktues, detyra dhe sa larg është.
- "Navigo" e hap rrugën në hartë
- "Kam arritur" e shënon ardhjen te klienti, me orë
- Administratori e sheh drejtpërdrejt në hartë
-
Pushim, avans apo ndërrim turni
Pa letra dhe pa pritur te zyra. Punëtori zgjedh llojin, datat dhe e dërgon. Përgjigja i vjen si njoftim.
Pushim vjetorPushim mjekësorOrë shtesëNdërrim turniAvansRimbursimPajisje
-
Statusi i çdo kërkese, në një vend
Miratuar, në pritje apo refuzuar: punëtori e di gjithmonë ku është kërkesa. Kolegët mund t'i kërkojnë edhe ndërrim turni njëri-tjetrit.
-
Dalja, dhe historiku i çdo dite
Me DALJE mbyllet dita. Te historiku punëtori i sheh ditët e punës, orët, vonesat dhe orët shtesë, muaj për muaj. Ndjekja e vendndodhjes ndalet vetë.
-
Fletëpagesa në telefon
Paga neto dhe bruto, ditët e punuara dhe orët shtesë për çdo muaj. Edhe avancat dhe ditët e mbetura të pushimit.
-
Profili dhe portali i punonjësit
Të dhënat personale, kontakti në rast urgjence, kontrata dhe dokumentet, objektivat, trajnimet dhe pajisjet që punëtori mban.
Të gjitha, pa ardhur në zyrë.
Në dy minuta, nga telefoni i vet.
Nuk ka nevojë që administratori t'i krijojë llogari secilit. Punëtori regjistrohet vetë, ju vetëm e aprovoni.
- Shkarkon aplikacioninNga Google Play ose App Store
- "Regjistrohu si punëtor"Shkruan numrin fiskal të biznesit tuaj
- Plotëson të dhënatEmri, emaili, telefoni dhe fjalëkalimi
- Ju e aprovoniKrijohet kontrata, punëtori hyn menjëherë
I gjithë departamenti HR, në xhepin tuaj.
Paneli i plotë i administrimit është brenda aplikacionit. Aprovoni, kontrolloni dhe paguani nga kudo, edhe nga kompjuteri.
Prania drejtpërdrejt
Kush erdhi, kush vonoi, kush mungon, me vendndodhje dhe orë të saktë.
Oraret dhe ndërrimet
Turnet e javës, ndërrimet mes punëtorëve dhe pushimet në një kalendar.
Aprovimet me hapa
Kërkesat kalojnë te menaxheri, HR-ja dhe financat, secili me njoftim.
Pagat sipas ligjit
Tatimi dhe kontributet pensionale sipas Kosovës, bonuset, zbritjet dhe fletëpagesat.
Kontratat automatike
Kontrata e punës sipas Ligjit të Punës krijohet vetë dhe ju kujton kur skadon.
Rekrutimi
Link publik për aplikime, kandidatët, intervistat dhe punësimi me një klik.
Fillimi dhe largimi
Lista kontrolli për ditën e parë dhe për largimin, me kthimin e pajisjeve.
Pajisjet e kompanisë
Kush çka mban: laptop, telefon, vegla, edhe për punëtorët nga shtëpia.
Raporte dhe Excel
Prania, orët, pagat dhe performanca, gati për eksport në Excel, CSV ose PDF.
I vogël apo i madh, në zyrë apo në terren.
Trend Workforce përshtatet me mënyrën si punon biznesi juaj, jo e kundërta.
Në zyrë
Hyrja e verifikuar brenda lokacionit të biznesit, me orar dhe vonesa.
Në terren
Destinacionet, rruga dhe vendndodhja gjatë orarit, në hartë.
Nga shtëpia
Hyrja nga kudo, pajisjet që mban në shtëpi dhe kërkesat për pajisje.
Hibrid
Disa ditë në zyrë, disa nga shtëpia: rregullat i caktoni ju.
Të dhënat e biznesit tuaj, vetëm tuajat.
Të ndara për çdo biznes
Çdo biznes ka hapësirën e vet të veçantë të të dhënave. Askush tjetër s'ka qasje.
Vendndodhja vetëm në orar
Asnjë ndjekje jashtë orarit të punës. Ndalet automatikisht me daljen.
Pa reklama, pa shitje të dhënash
Të dhënat nuk shiten dhe nuk përdoren për reklama. Fshirja e llogarisë në çdo kohë.
Së shpejti në Google Play dhe App Store.
Bizneset e para që lajmërohen tani marrin prezantim falas dhe kushte të veçanta në fillim. Ju e shihni platformën në veprim, me të dhënat e biznesit tuaj.
Çka pyesin bizneset.
A duhet të blejmë pajisje speciale?
Jo. Punëtorët përdorin telefonin e tyre (Android ose iPhone), administratori telefonin ose kompjuterin. Nuk ka aparat për gishta apo kartela.
Si e di që punëtori është vërtet në punë kur bën hyrjen?
Hyrja dhe dalja verifikohen me vendndodhjen e telefonit. Për punëtorët në zyrë kontrollohet që të jenë brenda lokacionit të biznesit, për ata në terren regjistrohet rruga dhe mbërritja te klientët.
A ndiqet punëtori edhe jashtë orarit?
Jo. Vendndodhja ndiqet vetëm gjatë orarit, pas hyrjes në punë, dhe ndalet automatikisht me daljen. Punëtori e sheh kur ndiqet.
A llogariten pagat sipas ligjit të Kosovës?
Po. Tatimi në të ardhura dhe kontributet pensionale llogariten sipas rregullave të Kosovës, bashkë me orët shtesë, bonuset dhe zbritjet. Fletëpagesa i shkon punëtorit në telefon.
Sa kushton?
Çmimi varet nga numri i punëtorëve. Çdo biznes fillon me 7 ditë provë falas, pastaj marrëveshja bëhet drejtpërdrejt me TREND Solution, me kontratë dhe faturë.
Kur del aplikacioni në Google Play dhe App Store?
Shumë shpejt: aplikacioni është në testim të fundit. Bizneset që kërkojnë prezantim tani e marrin të parat.